最近有外國傳媒訪問咗一班內地來港工作嘅「港漂」,發現已經出現以下現象

  1. 公眾地方唔敢用微信
  2. 更頻密返內地
  3. 盡量唔講普通話
  4. 公司盡量少說話

其中一位「港漂」自言,最近已更頻密返深圳,減少因為返工而在香港逗留時間。

其實呢種現象,應該唔只出現喺「港漂」群,小編知道,近日都有唔少老師轉晒手機防窺mon貼,有零售業打工仔,更已盡備好「兩文三語」,睇情況講唔同語言,方便脫身,有人連幾句日文都背定;而在寫字樓嘅朋友,就盡量行開位時,電腦關上,唔好平放手機,唔好俾人睇到whatsapp

近排你有無同事問你「果日忙咩」?其實好可能佢係想知,你到底有無去過集會⋯⋯旁敲側擊,想知你咩立場。

小編有朋友近日亦不斷有做輔警同事同佢訴苦,當然呢位朋友都係小心為上,盡量唔提自己行蹤。

===================